العاشقى ۋاقىتتا كومپوزيتور دميتري ءماتسۋتسيننىڭ باسقارۋىمەن بۇل ۇجىم كىشىگىرىم, ارالاس حور بولىپ قۇرىلسا, قازىرگى ۋاقىتتا حور كاپەللاسى مەملەكەتتىك دارەجەگە كوتەرىلدى. بۇگىنگى تاڭدا كاپەللانىڭ رەپەتۋارىنا حورعا وڭدەلىپ تۇسىرىلگەن حالىق اندەرى, سونداي-اق شىعارمالاردىڭ ءىرى تۇرلەرى – سيۋيتا, پوەما, كانتاتا جانە وراتوريالار ەنگەن. ءبىر سوزبەن ايتقاندا, باقىتجان بايقاداموۆ اتىنداعى مەملەكەتتىك حور كاپەللاسىنىڭ رەپەرتۋارىندا شەتەل كلاسسيكتەرى مەن ەلىمىزدىڭ ساڭلاق كومپوزيتورلارى م.تولەباەۆ, ب. بايقاداموۆ, ە. راحماديەۆ, ع.جۇبانوۆا, م.ساعاتوۆ, س.مۇحامەدجانوۆ, ق.قوجامياروۆ, م.ماڭعىتاەۆ, ج.تۇرسىنباەۆتىڭ شىعارمالارى بەرىك ورىن العان. وسىنداي شىعارماشىلىق-كوركەمدىك الەۋەتى بيىك كاپەللا ۇجىمىنا قازاقستاندا عانا ەمەس, شەتەل ساحنالارىندا دا ونەر كورسەتىپ كەلەدى.
1936 جىلى قازاقستاننىڭ ماسكەۋدە وتكەن مادەني ونكۇندىگىندە 300 ادامدىق حور تابىستى ونەر كورسەتتى. ال, 1939 جىلى اقپان ايىندا رەسپۋبليكا ۇكىمەتىنىڭ قاۋلىسىمەن اتالعان حور ۇجىمى قازاقتىڭ مەملەكەتتىك حور كاپەللاسى بولىپ قايتا قۇرىلدى. العاشقى كەزەڭدە حور كاپەللاسىنا بوريس لەبەدەۆ, لاتيف حاميدي, بوريس ورلوۆ, باقىتجان بايقاداموۆ, گالينا ۆينوگرادوۆالار جەتەكشىلىك ەتتى. 1959 جىلدان 1991 جىلعا دەيىن حور كاپەللاسىن كسرو حالىق ءارتىسى, مەملەكەتتىك سىيلىقتىڭ لاۋرەاتى, پروفەسسور اناتولي ۆاسيلەۆيچ مولودوۆ باسقاردى. ال, قازىرگى ۋاقىتتا كاپەللانىڭ كوركەمدىك جەتەكشىسى جانە باس ديريجەرى بولىپ قازاقستاننىڭ ەڭبەك سىڭىرگەن قايراتكەرى بەيىمبەت دەمەۋوۆ قىزمەت اتقارىپ كەلەدى.
جەلتوقسان ايىنىڭ 4 ساعات ساعات 19.00-دە جامبىل اتىنداعى قازاق مەملەكەتتىك فيلارمونياسىندا قۇرىلعانىنا 80 جىل تولىپ وتىرعان ب.بايقاداموۆ اتىنداعى حور كاپەللاسىنىڭ كونتسەرتى وتەدى. باس ديريجەرى - قر ەڭبەك سىڭىرگەن قايراتكەرى بەيىمبەت دەمەۋوۆ. كونتسەرتكە قر ەڭبەك سىڭىرگەن ءارتىسى, مەملەكەتتىك سىيلىقتىڭ لاۋرەاتى, «استانا وپەرا» تەاترىنىڭ ءانشىسى م.مۇحامەدقىزى, قازاقستاننىڭ حالىق ءارتىسى ا.قورازباەۆ, قازاقستاننىڭ ەڭبەك سىڭىرگەن ءارتىسى م.مۇساباەۆ, اباي اتىنداعى وپەرا جانە بالەت تەاترىنىڭ ءانشىسى, قر ەڭبەك سىڭىرگەن قايراتكەرى گ.داۋىرباەۆا, قر مادەنيەت قايراتكەرى ق. ءادىلوۆ, حالىقارالىق بايقاۋلاردىڭ لاۋرەاتتارى ت.پازىلاقىن, ر.جارماعامبەتوۆ, ا.عابديەۆ, ءا.اۋباكىروۆا, ف.كۇبيەۆ قاتىسادى.
كونتسەرتمەيستەرى – حالىقارالىق بايقاۋلارىنىڭ لاۋرەاتى ا. قۇلشارىپوۆ.
باعدارلامادا قازاق جانە شەتەل كومپوزيتورلارىنىڭ شىعارمالارى ورىندالادى.
الماتى
